Sabz maddham roshani mein surkh aanchal ke dhanak

Sabz maddham roshani mein surkh aanchal ke dhanak

sard kamare mein machalati garm sanson ke mahak

bazuon ke sakht halqe mein koi nazuk badan

silvaten malabus par aanchal bhi kuch dhalaka hua

garmi-e-rukhsar se dahaki hui thandi hawa

narm zulfon se mulayam ungaliyon ke ched chad

surkh honton par shararat ke kisi lamhen ka aks

reshami bahon mein chudi ke kabhi maddham dhanak

sharmagin lahajon mein dhire se kabhi chahat ke baat

do dilon ke dhadakanon mein gunjati thi ek sada

kanpate honton pe thi ALLAH se sirf ek dua

kash ye lamhe thahar jayen thahar jayen zara

Poet of the Poem / Ghazal or Nazam  arveen Shakir

Sach hain hamin ko aap ke shikave baja na the

Sach hain hamin ko aap ke shikave baja na the

beshak sitam janab ke sab dostana the

han jo jafa bhi aap ne ke qayede se ke

han hum hi karaband-e-usul-e-vafa na the

aaye to yun to ke jaise hamesha ke meharaban

bhule to yun ke goya kabhi aashana na the

kyon dad-e-gam hum ne talab ki, bura kiya

hum se jahan mein kushta-e-gam aur kya na the

gar fikr-e-zakhm ke to khatavar hain ke hum

kyon mahv-e-madh-e-khubi-e-teg-e-ada na the

har charagar ko charagari se gurez tha

warna hamen jo dukh the bahut ladava na the

lab par hai talkhi-e-may-e-ayyam warna “faiz”

hum talkhi-e-kalam par mail zara na the

Poet of the Poem / Ghazal or Nazam :Faiz Ahmed Faiz

Na Tumse Shikwa Na Tumse Gila Hai "Farid"

Tera Shukria Kaise Karun Main Ada "Sana", 

Lagta Hai Alfaz Mera Sath Chod Jayenge ...

Kaheen chand rahon mein kho gaya kaheen chandani bhi bhatak gai ,

"Farid" Main charag wo bhi bujha hua meri raat kaise chamak gai ...

Bechaini bad jayegi aur yaad kisi ke aayegi "Farid",

Tummeri gazalen gaoge jab ishq tumhen ho jayega ...

Mere jaise ban jaogi"SANA" jab ishq tumhen ho jayega,

Deewaron se sar takaraoge jab ishq tumhen ho jayega ...

Dost Har Doulat Se Badhkar Hai Agar Wo Dost Hai "Sana", 

Warna Log To Dosti Ko Yunhi Badnam Kiya Karte Hain ...

Khud Ba Khud Yaad Aati Hai Teri Dil Ke Na Chahte Hue, 

Alafaz Badal Jate Hain Mere Tujhko Samne Pate Hi ...

Duniyan Main Jab Har Cheez Fani Hai "Sana", 

"Farid" Yeh Duniya phir Bhi Kyun Itni Dewani Hai ...

Na Tumse Shikwa Na Tumse Gila Hai "Farid" , 

Shikwe Gile Ghairon Se Kiye Jate Hain ...




Riwayatain Toot Bhi Jati Hain Dilon Ke Haal Jaan Kar, 


Unko Behlao "Farid" Jo Dil Ke Zuban Na Samajhte Hon...




Deewan Jiska Tha Usko Bata Do "Gulashan" Ki Wo Toot Gaya, 


"Farid" Ab Tak "Gulshan" Hai Kashmeer Iman Walon Se ...

Poet of the poem/ghazal or Nazam: S.M.Farid Bharti

charag apne thakan ke koi safai na de

charag apne thakan ke koi safai na de

wo tiragi hai ke ab khwab tak dhikhai na de

bahut satate hain rishte jo tut jate hain

khuda kisi ko bhi taufiq-e-ashanai na de

main sari umr andheron mein kat sakata hun

mere diyon ko magar raushani parai na de

agar yahi teri duniya ka hal hai malik

to meri qaid bhali hai mujhe rihai na de

dua ye mangi hai sahame hue mu’arrik ne

ke ab qalam ho khuda surkh raushnai na de

Poet of the poem/ghazal or Nazam: Meraj Faizabadi

main ne jo git tere pyar ki khatir likkhe

main ne jo git tere pyar ki khatir likkhe

aj un giton ko bazar mein le aaya hun

aj dukan pe nilam uthega un ka

tune jin giton pe rakkhi thi muhabbat ki asas

aj chandi ki tarazu mein tulegi har cheez

mere afakar meri shayari mera ehasas

jo teri zat se manasub the un giton ko

muflisi jins banane pe utar aayi hai

bhuk tere rukh-e-rangin ki fasanon ki ivaz

chand aashiya-e-zarurat ki tamannai hai

dekh is arsagah-e-mehanat-o-sarmaya mein

mere naghmay bhi mere pas nahi rah sakate

tere jalve kisi zaradar ki miras sahi

tere khake bhi mere pas nahi rah sakate

aj un giton ko bazar mein le aaya hun

main ne jo git tere pyar ki khatir likkhe

Poet of the poem/ghazal or Nazam: Sahir Ludhianvi

faqirana aaye sada kar chale

faqirana aaye sada kar chale

miyan khush raho hum dua kar chale

jo tujh bin na jine ko kahate the hum

so is ahd ko ab wafa kar chale

koi na-ummidana karte nigah

so tum hum se muh bhi chipa kar chale

bahot aarzoo thi gali ki teri

so yan se lahu mein naha kar chale

dikhai diye yun ki bekhud kiya

hamen aap se bhi juda kar chale

jabin sajada karte hi karte gai

haq-e-bandagi hum ada kar chale

parastish ki yan tain ki ayei but tujhe

nazar mein sabon ki khuda kar chale

gai umr dar band-e-fikr-e-gazal

so is fan ko aisas bada kar chale

kahen kya jo puche koi hum se “meer”

jahan mein tum aaye the, kya kar chale

Poet of the poem/ghazal or Nazam: Meer Taqi Meer