Geet-Ghazal or Shairo-Shairi

Tera jalva nihayat dil nashin hai

muhabbat lekin is se bhi hasin hai

junun ke koi manzil hi nahi hai

yahan har gham gam-e-avvali hai

suna hai yun bhi aksar zikr un ka

ki jaise kuch ta’alluq hi nahi hai

masiha ban ke jo nikle the ghar se

lahu mentar unhin ke aastin hai

main rah-e-ishq ka tanaha musafir

kise aavaz dun koi nahi hai

‘shamim’ us ko kaheen dekha hai tum ne

suna hai wo rag-e-jan ke qarin hai

Poet of the Poem / Ghazal or Nazam : Shamim Jaipuri

Tera khayal dil se mitaya nahi abhi

bedard main ne tujh ko bhulaya nahi abhi

kal tune muskura ke jalaya tha khud jise

sine aa wo charag bujhaya nahi abhi

gardan ko aj bhi tere bahon ke yaad hai

chaukhat se teri sar ko uthaya nahi abhi

behosh hoke jald tujhe hosh aa gaya

main badanasib hosh mein aaya nahi abhi

Poet of the Poem / Ghazal or Nazam : Sahir Ludhianvi

Tera mera jhagada kya jab ik aangan ke matti hai

apne badan ko dekh le chukar mere badan ke matti hai

bhukhi pyasi bhatak rahi hai dil mein kaheen umeed liye

hum aur tum jis mein khate the us bartan ke matti hai

gairon ne kuch khwab dikhakar neend churali aankhon se

lori de de har gai jo ghar aangan ke matti hai

soch samajhakar tum ne jis ke sabhi gharonde tod diye

apne sath jo khel raha tha us bachpan ke matti hai

chal nafarat ko chod ke ‘anjum’ dil ke rishte jod ke ‘anjum’

is matti ka qarz utaren apne vatan ke matti hai

Poet of the Poem / Ghazal or Nazam : Sardar Anjum

Tere aane ke jab khabar mahake

tere khushbu se sara ghar mahake

sham mahake tere tasavvur se

sham ke bad phir sahar mahake

raat bhar sochata raha tujh ko

zahan-o-dil mere raat bhar mahake

yaad aaye to dil munavvar ho

did ho jaye to nazar mahake

wo ghadi do ghadi jahan baithe

wo zamin mahake wo shajar mahake

Poet of the Poem / Ghazal or Nazam : Nawaz Deobandi

Sab log liye sang-e-malamat nikal aaye

kis shahar mein hum ahal-e-muhabbat nikal aaye

ab dil ke tamanna hai to ae kash yahi ho

aansu ke jagah aankh se hasrat nikal aaye

har ghar ka diya gul na karo tum ke na jane

kis bam se khurashid-e-qayamat nikal aaye

jo darpa-e-pindar hain un qatlgahon se

jan deke bhi samajho ke salamat nikal aaye

ae hamnafason kuch to kaho ahad-e-sitam ke

ik harf se mumkin hai hikayat nikal aaye

yaro mujhe masalub karo tum ke mere bad

shayad ke tumhara qad-o-qamat nikal aaye

Poet of the Poem / Ghazal or Nazam : Ahmed Faraz

Sabhi kuch hai tera diya hua sabhi rahaten sabhi kalafaten

kabhi sohabaten kabhi furqaten kabhi duriyan kabhi qurbaten

ye sukhan jo hum ne raqam kiye ye hain sab varaq teri yaad ke

koi lamha subah-e-visal ka, kai sham-e-hijr ke qurbaten

jo tumhari man lain nasiha to rahega daman-e-dil mein kya

na kisi udu ke adavaten na kisi sanam ke muravvaten

chalo aao tum ko dikhayen hum jo bacha hai maqtal -e-shahar mein

ye mazar ahal-e-safa ke hain ye hain ahal-e-sidq ke turbaten

meri jan aj ka gham na kar, ke na jane katib-e-vaqt ne

kisi apne kal mein bhi bhool kar kaheen likh rakhi ho masarraten

Poet of the Poem / Ghazal or Nazam :Faiz Ahmed Faiz