faqirana aaye sada kar chale

faqirana aaye sada kar chale

miyan khush raho hum dua kar chale

jo tujh bin na jine ko kahate the hum

so is ahd ko ab wafa kar chale

koi na-ummidana karte nigah

so tum hum se muh bhi chipa kar chale

bahot aarzoo thi gali ki teri

so yan se lahu mein naha kar chale

dikhai diye yun ki bekhud kiya

hamen aap se bhi juda kar chale

jabin sajada karte hi karte gai

haq-e-bandagi hum ada kar chale

parastish ki yan tain ki ayei but tujhe

nazar mein sabon ki khuda kar chale

gai umr dar band-e-fikr-e-gazal

so is fan ko aisas bada kar chale

kahen kya jo puche koi hum se “meer”

jahan mein tum aaye the, kya kar chale

Poet of the poem/ghazal or Nazam: Meer Taqi Meer

gaye dinon ka surag lekar kidhar se aaya kidhar gaya wo

gaye dinon ka surag lekar kidhar se aaya kidhar gaya wo

ajeeb manus ajanabi tha mujhe to hairan kar gaya wo

khushi ki rut ho ki gham ka mausum nazar use dhundhati hai har dam

wo bu-e-gul tha ki nagma-e-jan mere to dil mein utar gaya wo

wo maikade ko jaganevala wo raat ki neend udanevala

na jane kya us ki jee mein aayi ki sham hote hi ghar gaya wo

kuch ab sambhalane lagi hai jan bhi badal chala rang aasman bhi

jo raat bhari thi tal gai hai jo din kada tha guzar gaya wo

shikastapa rah mein khada hun gaye dinon ko bula raha hun

jo qafila mera hamsafar tha misl-e-gard-e-safar gaya wo

bas ek manzil hai bulhavas ki hazar raste hain ahal-e-dil ki

ye hi to hai farq mujh mein us mein guzar gaya main thahar gaya wo

wo jis ki shane pe hath rakh kar safar kiya tune mannzilon ka

teri gali se na jane q aj sar jhukaye guzar gaya wo

wo hijr ki raat ka sitara wo hamnafas hamsukhan hamara

sada rahe us ka naam pyara suna hai kal raat mar gaya wo

bas ek moti si chab dikhakar bas ek mithi si dhun suna kar

sitara-e-sham ban ki aaya barang-e-khayal-e-sahar gaya wo

na ab wo yadon ka chadhata dariya na fursaton ki udas barkha

yun hi zara si kasak hai dil mein jo zakhm gahara tha bhar gaya wo

wo raat ka benava musafir wo tera shayar wo tera ‘nasir’

teri gali tak to hum ne dekha phir na jane kidhar gaya wo

Poet of the poem/ghazal or Nazam:Nasir Kazmi

gai wo bat ki ho guftagu to kyonkar ho

gai wo bat ki ho guftagu to kyonkar ho

kahe se kuch na hua phir kaho to kyonkar ho

hamare zahan mein is fikr ka hai naam visal

ki gar na ho to kahan jayen ho to kyonkar ho

adab hai aur yahi kashamakash to kya kije

haya hai aur yahi gomago to kyonkar ho

tumhin kaho ki guzra sanam paraston ka

buton ki ho agar aisi hi khu to kyonkar ho

uljhate ho tum agar dekhte ho aaina

jo tum se shahar mein ho ek do to kyonkar ho

jise nasib ho roz-e-siyah mera sa

wo shakhs din na kahe raat ko to kyonkar ho

hamen phir un se umid aur unhen hamari qadr

hamari bat hi puche na wo to kyonkar ho

galat na tha hamen khat par guman tasalli ka

na mane dida-e-didar ju to kyonkar ho

batao us misha ko dekhakar ho mujh ko qarar

yah nesh ho rag-e-jan mein faro to kyonkar ho

mujhe junun nahi galib wale baqaul-e-huzur

firaq-e-yar mein taskin ho to kyonkar ho

Poet of the poem/ghazal or Nazam: Mirza Ghalib

gham mujhe hasrat mujhe vahashat ....

gham mujhe hasrat mujhe vahashat mujhe sauda mujhe

ek dil deke khuda ne de diya kya kya mujhe

hai husul-e-arazu ka raz tark-e-arazu

main ne duniya chod di to mil gai duniya mujhe

kah ki soya hun ye apne iztarab-e-shauq se

jab wo aayen qabr par fauran jaga dena mujhe

subah tak kya kya teri umeed ne tane diye

aa gaya tha sham-e-gam ek neend ka jhonka mujhe

ye namaz-e-ishq hai kaisa adab kisaka adab

apne pay-e-namaz par karne do sajda mujhe

dekhte hi dekhte duniya se main uth jaunga

Poet of the poem/ghazal or Nazam: Seemab Akbarabadi

hum to hain parades men, des mein nikala hoga chand

hum to hain parades men, des mein nikala hoga chand

apni raat ke chat par kitna tanaha hoga chand

jin aankhon mein kajal ban kar tairi kali raat ho

un aankhon mein aansu ka ek katara hoga chand

raat ne aisa pech lagaya, tuti hath se dor ho

aangan wale nim mein jakar ataka hoga chand

chand bina har din yun bita jaise yug biten ho

mere bina kis hal mein hoga, kaisa hoga chand

Poet of the Poem / Ghazal or Nazam : Rahi Masoom Reza

hum ko dushman ke nigahon se na dekha kije

hum ko dushman ke nigahon se na dekha kije

pyar hi pyar hain hum hum pe bharosa kije

chand yadon ke siva hath na kuch aayega

is tarah umr-e-gurezan ka na picha kije

roshni auron ke aangan mein gavara na sahi

kam se kam apne hi ghar mein to ujala kije

kya khabar kab wo chale aayenge milane ke liye

roz palkon pe nai shamaen jalaya kije

Poet of the Poem / Ghazal or Nazam :Rais Akhtar