hum ne duniya mein aake kya dekha

hum ne duniya mein aake kya dekha,
dekha jo kuch so khvab-sa dekha,,

hai to insan khak ka putala,
lek pani ka bul-bula dekha,,

khub dekha jahan ke khuban ko,
ek tujh sa na dusara dekha,,

ek dam par hawa na bandh habab,
dam ko dam bhar mein yan hawa dekha,,

na huye teri khak-e-pa hum ne,
khak mein aap ko mila dekha,,

ab na dije “zafar” kisi ko dil,
ki jise dekha bevafa dekha ...

Ghazal: Bahadur Shah Zafar 
Editing By : S.M.Farid Bharti